Astelenak pilota partidak hartuko ditu berriro asteburu honetan

Eibarko Klub Deportiboko pilota batzordeak asteburuko partiden berri eman du. Gipuzkoako Txapelketako eskuz binakako eta paleta goma binakako neurketak izango dituzte pilotariek, atzo hasi eta igandera bitartean. Horietako hiru Astelena frontoian jokatuko dira, eta gainerakoak etxetik kanpo.

Gaur, urriak 2, 18:30ean hasiko da Astelenako jaialdia. Eskuz binakako hiru partida jokatuko dituzte: Saez eta Agotek Zabalaren eta Blazquezen aurka neurtuko dituzte indarrak; Varona eta Del Reyk Larrarte eta Leo izango dituzte aurkari; eta Segurola eta Gisasolak Azpeitia eta Iturberen kontra jokatuko dute.

Igandean, urriak 4, 11:30ean hasiko da jaialdia. Eskuz binakakoan, Narvaiza eta Condek Larrarte eta Leoren aurka jokatuko dute. Ondoren, paleta goma binakako neurketan, Soria eta Guineak Lago eta Vidal izango dituzte aurkari.

Astelenako partidez gain, Deporreko pilotariek beste lau neurketa izango dituzte etxetik kanpo, Gipuzkoako Txapelketaren barruan.