Atsekabea eragin du Urtzi Abanzabalegiren heriotzak

Gaur goizean jakin dugu eibartar batek bizitza galdu duela Abadiñon lanean ari zen bitartean eta, geroago, behargina Urtzi Abanzabalegi Eibar Rugby Taldeko jokalari ohi eta zuzendaritza-kidea zela zehaztu dute. Albisteak atsekabea eragin du herrian eta baita errugbiaren munduan ere, Abanzabalegik ia bizitza osoa eskaini baitio errugbiari.

Eibarko taldean jokatzeaz gain, Getxon, Ordizian, Stade Hendayaisen, Bera Beran, Basque Korsarioak taldean eta Euskadiko selekzioan jokatu zuen, eta jokatzeari laga ondoren, entrenatzaile lanetan eta zuzendaritza-kide moduan ibili da Eibarren.

Goian bego.

 

Gaur goizean Urtzi Abanzabalegi ordiziako jokalari ohiak utzi gaitu.
Urte askotan eta klubaren garaipen handienetan gure aurrelarien buru izan zinen.

Zauden lekuan zaudela, besarkada bat lagun.

♾️1️⃣???? pic.twitter.com/RGIvm8HdM1

— AMPO ORDIZIA (@ORDIZIARUGBY) October 23, 2023

 

Eibarko rugbiaren erreferente izandako Urtzi Abanzabalegik utzi gaitu. Gure doluminak, senide, lagun eta @eibarugbytaldea familiari. https://t.co/qrEiL4SFYZ — SD Eibar (@SDEibar) October 23, 2023

 

Gaur goizean Urtzi Abanzabalegi errugbi jokalari ohia hil da Abadiñon, lanean ari zela. 46 urte zituen. ELA sindikatuak azaldu duenez, Traña-Matiena auzoko Pierburg enpresan zebilen lanean, Electricidad Anboto azpikontratan.@IruneLasaA @PauloOsto https://t.co/gqxgUzF2oU

— Berria.eus (@berria) October 23, 2023