Datozen egunotan, greba egingo dute Avanzako langileek, enpresaren jarrera egoera aldatzen ez bada, behintzat. ELA sindikatutik diotenez, azaroan hiru egunetako greba egin arren, enpresak ez du langile batzordearengana gerturatzeko asmorik erakutsi eta abenduan, beste bost egunetan egingo dute greba: abenduaren 5ean, 9an, 20an, 21ean eta 22an.
Berez, langileek lanari lagako diote greba egunaren bezperako 22:00etan hasi eta greba egunaren goizaldeko 02:00ak arte. Biharko kasuan, gaur abenduak 4, 22:00etan ya greban hasiko dira eta abenduaren 6ko 02:00ak arte egingo dute greba. Horrela izango da lehenago iragarritako egun guztietan.
Mobilizazioak
ELAtik jakinarazi dutenez, greba egiteaz batera, mobilizazioak egingo dituzte egun horietan, honakoak:
- Abenduaren 5
12:00 Manifestazioa Eibarren
16:00 Elkarretaratzea Gasteizko autobus geltokian - Abenduaren 9
11:00 Elkarretaratzea Donostiako autobus geltokian
11:30 Foru Aldundira irteera
12:00 Elkarretaratzea Foru Aldundian - Abenduaren 20
12:00 Elkarretaratzea Bilboko Autobus Geltokian - Abenduaren 21
12:00 Auto karabana Donostian - Abenduaren 22
12:00 Manifestazioa Arrasaten
Avanzako Enpresa Batzordea 14 ordezkari sindikalek osatzen dute, 6 ELA, 6 UGT, 1 LAB eta 1 AURRERA. Langileak guztien adostasunarekin ari dira protestak egiten.
