Bi lagun zauritu dira Amañako etxebizitza batean gertatu den sutean
Sua 03:00ak inguruan piztu da eta handik gutxira itzali dute suhiltzaileek
2025/01/15
10:21
eta kitto!
Bi lagun arin zauritu dira goizeko 03:00etan Amaña kaleko etxebizitza batean piztu den sutean. Segurtasun Sailak adierazi duenez, bi zaurituak Mendaroko Ospitalera eraman dituzte. Euretako batek hanketako batean erredurak ditu, eta besteak eskuetan zauriak, eraikinetik ateratzeko leiho bat apurtzerakoan egindakoak.
Egurrezko egitura duen bi solairuko eraikin batean izan da sua. Gertaeraren abisua jaso ondoren, suhiltzaileak bertaratu dira eta berehala itzali dute sua.
Azken 24 orduetan Eibarko etxebizitza batean izan den bigarren sutea da Amañakoa, atzo Errekatxuko etxe berrietan beste bat gertatu zelako.
