Bihar hasiko da Eibarko tabernarien arteko XX. Pintxo Lehiaketa

Bihar eta etzi egingo da Arrate Kultur Elkarteak antolatutako Eibarko tabernarien arteko XX. Pintxo Lehiaketa “San Andres Sariak”, parte hartzeko izena eman duten 16 tabernetan: Akara, Amesti, Banaka, Baratze Gourmet, Bossa, Bulebú, Gure Leku, Kontent, Koskor, Kultu, Nuvola, Slow, Topaleku, Trinkete, Txoko eta Vinoteca Bacoleku Ego-Gain. Bakoitzaren pintxoa zein den ikusteko diptikoak tabernetan eskuragarri daude. Beste batzuetan bezala, bi egunetan lehiaketarako pintxoak probatzeko aukera izango dute bezeroek, eta epai-mahaiak emango dituen sariez gain, bezeroek boto bidez erabakiko dutena ere banatuko dute. Gainera, botoa ematen duten bezeroen artean sari baten zozketa egingo da.