Denok dantzara Euskal Jaian, Deportiboaren 100. urteurrena ospatzeko

Denok dantzara Euskal Jaian, Deportiboaren 100. urteurrena ospatzeko
2023/12/13 eta kitto!
Datorren urtean, Eibarko Klub Deportiboak 100 urte beteko ditu eta hori dela eta 59. Euskal Jaia berezia izango da. Kezka Dantza taldekoek urteurrena dantzan eta txistua jotzen ospatzeko asmoa dute. Horregatik, Eibarko dantzari eta txistulari guztiei, belaunaldi eta garai guztietakoei, dei egiten diete datorren maiatzaren 26an, 59. Euskal Jai egunean, plazan denok elkarrekin jarduteko.

Parte hartu nahi duzuenok izena emateko hainbat bide dituzue:

1-Sartu Kezkaren webgunean eta bete  inprimaki hau.
2-Bete Eibarko Klub Deportiboan utziko dituzten inprimakiak.
3-Idatzi Whatsapp bidez Kezka Dantza taldearen zenbaki honetara: 605 711429 (izen-abizenak, telefono zk, emaila eta dantzaria ala txistularia zaren).

Dantzariak
Iribasko ingurutxoa, Imotz eta dantza-soltea dantzatuko dira, eta nahi duenarentzat entsegu-egunak antolatu dira: zenbait ostegun, ostiral eta larunbatetan, norberak ahal edo nahi dituen egunetan etortzeko. Entsegu guztiak Errebalen izango dira.


































Ostegunak Larunbatak Ostiralak
Urtarrilak 11 Urtarrilak 27
Otsailak 15 Otsailak 24
Martxoak 14 Martxoak 16
Apirilak 11 Apirilak 20 Maiatzak 10
Maiatzak 4 Maiatzak 17

 

Txistulariak
Txistulariek, batetik, txistu-poteorako biribilketak joko dituzte eta, bestetik, dantzarako betiko kantuak. Entsegu-egunak oraindik zehaztu gabe dauden arren, martxotik aurrera izango dira, Errebalen horiek ere.

Informazio hau guztia eta aurrerantzean argitaratzen joango garena, Kezka Dantza taldearen webgunean aurkituko duzue, honako helbide honetan: https://www.deporeibar.com/dantzak/euskal-jaia-2024-depor-100/

Izena eman duzuenei, urtarriletik aurrera whatsapp bidez helduko zaizue informazioa.