Domekan amaituko da On Ekin sarietan parte hartzeko epea
2023/10/03
10:42
eta kitto!
Ekingune elkarteak antolatzen dituen On Ekin sarietan parte hartzeko epea domekan amaituko da, hilaren 8an. Ekintzaileentzat bideratutako ekintza honek urriaren 26an egingo du gala nagusia eta bertan emango dira jakitera edizio honetako irabazleak.
Bi sari nagusi banatuko dira. Batetik, On Ekin saria (2.000 euro); eta bestetik, Sari Herrikoia (1.000 euro, eta 5 euro gehiago galara joaten den pertsona bakoitzeko).
Webgune honetan eman daiteke izena.
