Domekan egingo da urteko lehen zuhaitz landaketa

Eibarko Baso Biziak elkarteak urteko lehen zuhaitz landaketa egingo du domekan. Sorginbasora joango dira zuhaitzak landatzera eta, horretarako, 09:30ean elkartuko dira Unben (bukaeran). Ekimenean parte hartu nahi duenak nahitaez eman beharko du izena aurretik. Beraz, parte-hartzaileen izen-abizenak, bakoitzaren adina  eta telefono zenbaki bat zehaztu beharko dira, eibarkobasobiziak@gmail.com helbidera bidali behar den mezuan.