[EFEMERIDEAK] Urriak 22

1533. urteko oktubriaren 22xan ezkondu ziran Sebastian Perez de Marzana Arechua eskribaua (Ardanza etxeko semia) eta Otaola Etxebarria basarriko alabia, Joana. Santa Iñes elixan ezkondu ziran eta ezkontzako kontratua be hantxe firmau eben. Ordurako Otaola Etxebarriko etxia pixkat aldatuta eguan, batan bat martxan euken eta. Batana errota ipokua zan, baiña aliak ijotzeko errotiaz gaiñera telendako mazuak ekazan. Dana dala, aittak alabiari urreko 100 dukateko dotia emon etsan. Nobixua be etxe onekua zan: Ardanzako etxia euken, Beltraigarzako sagastixa Urkin, Iraegin gaztaiñarixak, Ardanzako ortua eta abar; gaiñera, berak eskribau estudixuak etarata eukazen; baiña ez eban, halanda be, bizimodu onik etara.