[EFEMERIDEAK] Urriak 5

• Irakasleen Munduko Eguna
• Hezkuntza Bialaren Nazioarteko Eguna

1934. urteko oktubriaren 5eko reboluziñuaren ondorenian, “rebelión militar” egittiagaittik, 144 eibartar egon ziran Panplonako karzelan, Toribio Etxebarria be bai euren artian (hamazazpi hillebete egon ziran preso). Lehelenguetan, preso eguazenak ospittaletan egon ziran deteniduta. Karzelan egon ziran denbora bittarte guztian, Panplonan bizi ziran Berraondotarrak zaindu zittuan gure eibartarrak eta Eibartik presueri bisitan joiazan senidiak. Eibarren presuen aldeko komitia martxan eguan, eta bai presueri bai exiliatutakueri dirua eta laguntasuna bialtzen jakuen.

Gaiñera, Alfa Koperatibia be itxi eta prezintau egin eben, militarrak uste ebelako enpresia bera eguala reboluziñuan inplikauta. Eibarren danak ez ziran, jakiña, reboluziñuaren aldekuak, eta bertako entidade batzuk (Caja de Ahorros Provincial-ak, esate baterako) eta lagun partikularrak dirua sartzen eben reboluzionarixuak harrapatzen ziharduen militarrendako ipinitta eguan kaja eta bankuetako kuentetan.