Eibar Triatloi Taldeko kirolariek maila ona eman zuten Getxon

Eibar Triatloi Taldeko bost kirolarik parte hartu zuten larunbatean Getxon jokatutako proban. Distantzia olinpikoko Triatloiko Euskal Herriko Txapelketa izan behar zuenak duatloi formatuan jokatu behar izan zuen, itsasoaren egoera txarraren ondorioz. Hala ere, talde eibartarreko kirolariek maila ona eman zuten, lehiakideen maila handia izan arren.

Jokin Amorrosta izan zen taldeko lehen sailkatua, 23 urtez azpikoen kategorian zazpigarren postua lortuta. Sailkapen orokorrean, berriz, 31. amaitu zuen.

Ander Telleria 33. izan zen absolutu mailan, eta 96. sailkapen orokorrean. Aitor Fernandezek, Beterano 1 kategorian, 30. postua eskuratu zuen, eta sailkapen orokorrean 96. izan zen. Iñigo Gastonek, 23 urtez azpikoetan, 12. amaitu zuen, 100. postu orokorrarekin.

Oscar Friasek ere parte hartu zuen Getxoko proban, absolutu mailan 70. eta sailkapen orokorrean 160. amaituta.

Eibar Triatloi Taldeak balorazio positiboa egin du kirolarien jardunaz, kontuan hartuta 230 bat gizonezkok hartu zutela irteera eta probaren ohiko formatua aldatu behar izan zutela itsasoaren baldintzengatik.