Eibarko Baso Biziak elkarteak urteko lehen zuhaitz landaketa egingo du domekan
Sorginbason egingo dute eta Unben elkartuko dira 09:30ean
2025/01/20
10:23
eta kitto!
Gogotsu ekingo dio 2025. urteari Eibarko Baso Biziak elkarteak. Izan ere, domekan, hilaren 26an, urteko lehen zuhaitz landaketa egingo du. Sorginbason egingo dute landaketa eta, horretarako, 09:30ean elkartuko dira Unbe bukaera.
Ekimenean parte hartzeko ezinbestekoa izango da aurretik izena ematea. Beraz, parte-hartzaileen izen-abizenak, adinak eta telefono zenbaki bat zehaztu beharko dira eibarkobasobiziak@gmail.com helbidera bidali behar den mezuan.
