Eibarko Musika Bandak aldaketekin hasiko du Coliseoko sasoia

Kaleko kontzertuen sasoia atzean laga eta Coliseo antzokian emanaldia eskainiko du Eibarko Musika Bandak. Ikuskizuna domekan egingo da, 12:30ean, eta aldaketa esanguratsu bat egongo da zuzendaritzan. Izan ere, Andoni Vazquez zuzendaria ez da egongo eta Bixen Ibarrondok gidatuko du banda, lehen aldiz zuzendari lanak eginez.

Errepertorioari dagokionez, askotariko doinuak entzungo ditugu: ‘Gloria al trabajo’ (J. Texidor), ‘Nada y mucho’ (J.C. de Arriaga), ‘Ross Roy’ (Jacob de Haan), Mary Poppins (R.S. Sherman) eta ‘Autumn leaves’ (Joseph Kosma eta J. Prevent).