Eibarko Musika Bandak denboraldiko lehen kontzertua emango du barixakuan

Oporrak amaituta, bueltan da Eibarko Musika Banda. Barixakuan, 20:00etan, eskainiko du denboraldiko lehen kontzertua Toribio Etxebarria kalean. Coliseoko emanaldiekin hasi aurretik, kalean bi emanaldi eskainiko dituzte, musika herritarrei gerturatuz.

Kontzertua barixaku iluntzean izanik, momentu horretarako aproposa den errepertorioa prestatu du Andoni Vazquezek zuzentzen duen bandak. Oraingoan, ostera, bera ez da egongo eta Bixen Ibarrondo arituko da zuzendari lanetan.

Honako piezak joko ditu Eibarko Musika Bandak:

• Ilargia (Ken Zazpi)
• Firework (Katy Perry)
• Wind Of Change (Scorpions)
• Sarri Sarri (Kortatu)
• Highway To Hell (AC/DC)
• The Best Of Village People.

(Argazkia: Mikel Askasibar, Eibarko Udala)