Eibarko Musika Bandak Gabonetako Kontzertua emango du domekan
Kontzertua Coliseo antzokian izango da, 12:30ean, eta sarrera doakoa izango da
2024/12/12
09:37
eta kitto!
Urteko azken kontzertua emango du Eibarko Musika Bandak domekan, baina ez da nolanahiko emanaldia izango, doinu bereziak eskainiko baitituzte bertan. Gaboneko Kontzertua emango du bandak, 12:30ean, Coliseo antzokian.
Andoni Vazquez bandako zuzendariak azaldu digunez, “azken urteotan egin dugun bezala, Gabonekin erlazionatutako musika eskainiko dugu. Vienako urte berriko kontzertu kantu batzuk joko ditugu, baina beste era bateko abestiak ere joko ditugu. Doinu ezberdinak entzuteko aukera egongo da eta kontzertu polita gelditu zaigula uste dugu”.
Kontzertua ikusteko sarrera doakoa izango da eta Coliseo antzokiko leihatilan edota Kutxabank bitartez erosi daitezke.
