Eibarko Musika Bandak John Williams konpositorearen piezak joko ditu larunbatean
Jurassic Park, Superman, Indiana Jones eta beste hainbat pelikularen doinuak joko ditu bandak
2026/09/15
11:15
Ekhi Belar Errasti
San Juan jaietan egin zuen eguraldiagatik ikuskizuna bertan behera laga ondoren, Eibarko Musika Bandak larunbat honetan, irailaren 19an, eskainiko du kontzertua John Williams konpositorearen piezekin. Saioa 22:00etan hasiko da, Untzagan, pelikulen eta pelikulen irudiek lagunduko diete musikarien doinuei.
Andoni Vazquez zuzendariaren berbetan, “oso kontzertu erakargarria izango da. Hainbat pelikuletako soinu bandak joko ditugu: Superman, Indiana Jones, Jurassic Park, Schindler’s List, Star Wars...”.
Williams 54 aldiz izendatu izan dute Oscar sarietarako, azkena 2024an, eta horietako bost eskuratu ditu.
