Eibarrek 300 sarrera jarriko ditu salgai gaur Orsaixanen, 20 eurotan, Real Oviedoren aurkako partidurako

Domekako neurketa hori arratsaldeko 18:30ean hasiko da eta SD Eibarrek, Viajes Premier-ekin lankidetzan, autobus bidaia ere antolatu du. Sarrerak Orsaixanen bakarrik erosi ahal izango dira astelehenetik eguen egierdira arte (13:30).

Bestalde, Viajes Premier Eibarreko agentzia ofizialarekin lankidetzan, SD Eibarrek Oviedora autobusez eta sarreraz joateko aukera eskaintzen die zaleei, 50 euroko prezioan. Interesa dutenek Orsaixanen ere eskuratu ahal izango dute packa. Autobusa goizeko 07:15ean irtengo da Eibartik eta partidua amaitzean itzuliko da. Lekualdaketa antolatzeko, gutxienez 40 pertsonak eman beharko dute izena. Sarrerak erosteko, ezinbestekoa izango da datu pertsonalak eta harremanetarako datuak aurrez aurre ematea.