Erabakita Gipuzkoako Bertsolari Txapelketako finalaurrekoetan arituko direnak

Gipuzkoako Bertsolari Txapelketako final-laurdenetako saio guztiak jokatu ondoren (aurreko asteburuan amaitu zen), osatu da finalaurrekoetan ariko diren bertsolarien zerrenda.

Bost saioetako irabazleak zuzenean sailkatu ziren: Alaia Martin Etxebeste, Beñat Gaztelumendi Arandia, Unai Mendizabal Jauregi, Oihana Iguaran Barandiaran eta Nerea Elustondo Plazaola. Bestalde, honako beste hamahirurak puntuazioz sailkatu dira: Agin Laburu Rezola, Maider Arregi Markuleta, Asier Azpiroz Iztueta, Amaia Iturriotz Etxaniz, Andoni Rekondo Izagirre, Ane Labaka Mayoz, Eneritz Artetxe Eizagirre, Iñigo Mantzizidor Larrañaga "Mantxi", Eli Pagola Apezetxea, Eneko Araiztegi Agirre, Eñaut Martikorena Lizaso, Oier Etxeberria Zubimendi eta Aner Peritz Manterola "Euzkitze".

Asteburu hau pasata, hurrengoan hasiko diren finalaurreko saioak ere osatuta geratu dira.