Euskeraren erabilera arautzeko ordenantza onartuko du udalbatzak
2014/12/03
00:00
eta kitto!
Iazko Euskeraren Egunean aurreratutakoari jarraituta, Eibarko udalak gaur (abenduak 3) 18.00etan udalbatzar berezia egingo du Eibarren euskararen erabilera arautzeko ordenantza onartzeko.
Eibarko euskalgintzak Euskeraren Egunaren harira antolatutako egitaraua, bestalde, 19.00etan hasiko da Toribio Etxebarria kalean, bustoaren parean bertsoa eta manifestua irakurrita. Ondoren, Untzagaraino kalejira egingo da (partehartzaileei argia ematen duen zerbait eramatea eskatzen zaie) eta, Untzagara ailegatzean, "Euskeriak 365 egun Eibarren" goiburua kandelaz argiztatuko da (eguraldiak oztopatzen ez badu). Ekitaldia agurtzeko "Behin betiko" kanta abestu eta Euskaraz Bizi Nahi Dut musikarekin flashmoba dantzatuko da.
