Exfibar seilu erakusketa, hilaren 29ra arte ikusgai

Atzo (domeka, hilak 23) inauguratu zuten Portalean aurten 45. edizioa betetzen duen Exfibar seilu erakusketa (ikus argazkiak). Arrate Filatelia Elkarteak prestatutako erakusketan aurten nabigazio-instrumentuei eskainitako bildumak daude ikusgai, beste gai batzuen inguruko bildumekin batera. Atzoko inauguraziora joan zirenek Eibarko Bakillauaren Kofradixiari eskainitako zigilu-marka oroigarri gisa etxera eramateko aukera izan zuten. Hilaren 29ra arte egongo da erakusketa bisitatzeko aukera, astegunetan 18.00etatik 20.00etara eta zapatuan, berriz, 12.00etatik 14.00etara eta 18.00etatik 20.00etara.