Gabonetarako bertso-saioa hartuko du Zai-zoi tabernak abenduaren 26an
Aste honetako aldizkarian kaleratu dugun informazioa ez da zuzena.
2024/12/20
17:28
eta kitto!
Ez Dok IV. Bertso-Gaua antolatu dute Hankamotxak bertso eskolakoek datorren eguenerako (abenduak 26), 19:00etan Zai-zoi tabernan. Bertan arituko diren bertsolariak Sustrai Colina, Oihana Bartra eta Irune Basagoiti dira, eta gai-jartzailea Igor Galarza.
Gaur banatu dugun …eta kitto! astekaria irakurri baduzue, saio honi buruz idatzi dugun albistea txarto dagoela konturatuko zineten. Benetan sentitzen dugu, baina arrazoi “misteriotsuren” bat tartean, iaz egin zen bertso-saioari dagokion informazioa kaleratu dugu, kartel eta guzti, aurtengoaren berri eman beharrean. Gure hankasartzea eta horrek eragindako nahasketarengatik barkatu.
