Gaur arratsaldean banatuko dituzte Toribio Etxebarria sariak

Lehiaketara aurkeztutako proiektu eta enpresa finalistak aukeratuta, gaur (eguaztena, hilak 8) banatuko dituzte Toribio Etxebarria Sariak Coliseoan, 18.00etan hasiko den ekitaldian. Aurtengo ediziora 38 proiektu aurkeztu dituzte, 27 Enpresa Ideiak/Proiektuak atalean eta hamaika Sormen eta berrikuntza teknologikoa enpresan atalean eta hauek dira epai-mahaiak aukeratu dituen finalistak: enpresa-ideia eta proiektuak atalean, Medwhat (Bizkaia) adimen artifizialean/web semantikoan oinarritutako osasun asistentzia pertsonala: Smiley Own Tech (Gipuzkoa), aurpegien errekonozimenduan oinarritutako ikusmen artifizial soluzioa; Natural Grip (Gipuzkoa), kortxo partikulaz osatutako produktu ez labankor eta itsaskorra; eta Bihurcrystal (Gipuzkoa), ikerketarako eta azalera zientzietarako kristal kurbatuen diseinu, fabrikazio eta salmenta. Eta enpresa berriak atalerako aukeratutakoak, Atten2 (Gipuzkoa), sektore eolikorako on-line sentsoreen garapen-merkaturatzea; Robsoc (Gipuzkoa), sare sozialen informazioaren iragazpen eta jarraipena egiteko sistema; Floarsat (Gipuzkoa), industri-arrantza eta itsas ingurunerako teknologia aurreratuko buia sateliteendako garapen, fabrikazio eta salmenta; eta Enigmedia (Gipuzkoa), informazio teknologia, elektronika eta ikus-entzunezkoen ikerketa eta garapena. Gaurko ekitaldian bertan emango dituzte irabazleen izenak.