Hamasei taberna lehiatuko dira Eibarko tabernarien arteko XX. Pintxo Lehiaketan

Datorren astean, azaroaren 6an (eguaztena) eta 7an (eguena) egingo da Eibarko tabernarien arteko XX. Pintxo Lehiaketa San Andres Sariak, parte hartzeko izena eman duten 16 tabernetan: Akara, Amesti, Banaka, Baratze Gourmet, Bossa, Bulebú, Gure Leku, Kontent, Koskor, Kultu, Nuvola, Slow, Topaleku, Trinkete, Txoko eta Vinoteca Bacoleku Ego-Gain. Bakoitzaren pintxoa zein den ikusteko, Arrate Kultur Elkartekoek diptikoak banatuko dituzte tabernetan, eta bi egun horietan lehiaketarako pintxoak probatzeko aukera izango dute bezeroek. Beti bezala, epai-mahaiak emango dituen sariez gain, bezeroek boto bidez erabakiko dutena ere banatuko dute. Eta botoa ematen duten bezeroen artean sari baten zozketa egingo da.