Hiru pelikula berri asteburuko Coliseoko zine karteldegian

Aurreko astetik karteldegian dagoen John Crowleyren “Vivir el momento” filmarekin batera, Halina Reijn-eren “Babygirl”, Mohammad Rasoulofen “La semilla de la higuera sagrada” eta Laetitia Dosch-en “El juicio del perro” pelikulek osatuko dute asteburukoa. Dena dela, asteburu honetan proiekzio gutxiago eskainiko dira, Antzokiak bi ekitaldi jasoko baititu zapatuan eta domekan. “Babygirl” komediak 1 Aretoa hartuko dute, “La semilla de la higuera sagrada” dramak 2 Aretoa, eta familian ikusteko aproposa den “El juicio del perro” abenturazkoa oraingoan Antzokia laga eta 2 Aretora pasatuko da.

Pelikulen iraupenari dagokienez, "La semilla de la higuera sagrada" luzeagoa denez, ordu erdi aurreratuko dute zapatuko emanaldian.