Jaixak Herrixak Herrixandakok San Andres jaietarako prestatu duen egitaraua argitaratu du

Hilaren amaieran ospatuko ditugu San Andres jaiak, baina herriko eragileak ari dira egun berezia ospatzeko egitarauak prestatzen. Horrela, Jaixak Herrixak Herrixandako herri-plataformak zapatuaren 30aren iluntzerako egitarau musikala prestatu du: 19:30ean DJ Galtzagorrirekin karropoteoa egongo da, 21:30ean Zatekeen taldeak erromeria eskainiko du eta 23:30ean Ganibet taldeak joko du.

Kontzertuak Untzagan jarriko duten karparen barruan eskainiko dituzte eta barra jarriko dute karparen barruan.

Egitaraua argitaratzeaz gain, Jaixak Herrixak Herrixandakok zenbait mezu helarazi ditu. Batetik, baserritar erropak janzteko eskatu diete herritarrei. Eta bigarrenik, edozein erasoren aurrean autodefentsa feministaz erantzungo dutela adierazi dute.