Judash musika taldeak bere lehen diskoa kaleratu du

Judas Argarate izenarekin ezagutu genuen taldeak irudi berriarekin eman du jauzia, Judash izenarekin bere lehen diskoa kaleratuz. Markel Iraola, Joseba Goñi, Hodei Otegi eta Ekaitz Vegasek osatzen dute taldea eta rock doinuak dituen 11 abestiko diskoa sortu dute.

Diskoa 2023an hasi zien grabatzen Walter Tuzzeo soinu-teknikariarekin, baina honen heriotzak eten egin zuen sorkuntza lana eta, lagunaren galerari aurre egiteaz gain, beste bide bat aurkitu behar izan zuten diskoa gauzatzeko. Azkenean, diskoa Axular Arizmendik nahastu zuen Mutrikuko AME estudioan eta Baionan masterizatu du Paxkal Etxeparek.

Diskoa Zaizoi (Eibar), Tantaka (Elgoibar) eta Idergi (Altsasu) tabernetan dago salgai eta plataforma digitaletan entzun daiteke. Gainera, ‘Gerra’ izeneko abestiaren bideoklipa YouTuben ikusi daiteke.