Judash taldearen disko osoa plataformetan dago entzungai

Judas Argarate izena laga eta Judash izen berriarekin diskoa kaleratu du musika talde eibartarrak. Lanak 11 abesti ditu eta bideoklipa ere egin dute ‘Gerra’ abestiarekin.

Diskoa orain dela aste batzuk jarri zuten salgai, tartean Eibarko Zaizoi tabernan (baita Elgoibarko Tantakan eta Altsasuko Idergin ere), eta orain Interneteko plataformetan diskoa entzuteko aukera eman dute.

Taldeak honako mezua helarazi du sare sozialen bitartez: "Aupa! Lan askoren ostean, hemen duzue Judash taldearen lehen diska entzungai plataforma guztietan. Walter Tuzzeo-k Eibarren legarreko estudioetan grabatua, @axular_arizmendi/k Mutrikuko AME estudioan nahastua eta Paxkal Etxeparek Baionan masterizatua. Eskerrak eman bidelagun izan gaituzuen guztioi. Ostirala ondo hasteko, eman egurra!!"