Kokein taldeak disko berriaren lehen singlea kaleratu du
‘Bidean goaz’ da abesti berriaren izenburua eta bideoklipa ere egin dute
2024/11/14
13:23
eta kitto!
Aurten 25 urte bete dituen Kokein talde eibartarrak ‘Bidea Da Helmuga’ (Balaunka, 2024) izenburua duen disko berria kaleratuko du laster. Zaleak lan berria entzuteko gogoz daude eta taldeak aperitibo bat eskaini die diskoaren lehen singlearekin.
‘Bidean goaz’ izenburua duen abestia kaleratu du Kokeinek eta bideoklipa ere sortu dute. Beraz, YouTuben ikusgai dago eta, bestela, abestia plataforma digitaletan entzun daiteke.
Taldeak sare sozialen bitartez aurreratu duenez, aste honetan diskoari buruzko informazio gehiago izango dugu.
