Langabezia-tasa behera beste hilabete batez Eibarren

Uztaileko datuen arabera, 1.524 lagun daude langabezian Eibarren eta langabezia-tasa %12,16koa da. Horrela, langabeziak behera egin du herrian (ekaineko datuen arabera 1.531 lagun zeuden langabezian eta langabezia-tasa %12,22koa zen).

Eskualdeko herri guztietako datuei begira, langabezia-tasa %10,06ekoa da. Debak jarraitzen du langabezia-tasarik baxuena izaten (%6,29) eta Eibar da tasa altuena duena. Hain zuzen ere, Eibar eta Soraluze izan ezik, gainontzeko herri guztietan langabezia-tasa %10etik beherakoa da.

Uztaileko datuak, herriz herri:

• Eibar 1.524 (%12,16)
• Elgoibar 476 (%8,92)
• Mendaro 80 (%8,1)
• Deba 166 (%6,29)
• Mutriku 173 (%6,59)
• Soraluze 183 (%10,47)
• Debabarrena 2.602 (%10,06)