Langabezia-tasak behera egin du beste hilabete batez Eibarren

Ekaineko datuen arabera, 1.531 lagun daude langabezian Eibarren eta langabezia-tasa %12,22koa da. Horrela, langabeziak behera egin du herrian (maiatzeko datuen arabera 1.546 lagun zeuden langabezian eta langabezia-tasa %12,34ekoa zen).

Eskualdeko herri guztietako datuei begira, langabezia-tasa %10,21ekoa da. Debak jarraitzen du langabezia-tasarik baxuena izaten (%5,99) eta Eibar da tasa altuena duena. Hain zuzen ere, Eibar eta Soraluze izan ezik, gainontzeko herri guztietan langabezia-tasa %10etik beherakoa da.

Ekaineko datuak

• Eibar 1.531 (%12,22)
• Elgoibar 499 (%9,35)
• Mendaro 80 (%8,1)
• Deba 158 (%5,99)
• Mutriku 184 (%7,01)
• Soraluze 190 (%10,87)
• Debabarrena 2.642 (%10,21)