Los Deltonos taldeak zabalduko du aurtengo Musika Kluba Coliseon

Datorren domekan Coliseon 19:00etatik aurrera eskainiko den kontzertuarekin ekingo zaio 2025eko Musika Klubako programazioari. Rock & Blues musika jotzen duen Los Deltonos Kantabriako taldeak “Mueve” bere 15. diskoa aurkezteko aprobetxatuko du.

Estatuko rock’n’roll talde handienetakoa den Los Deltonos taldeak 90. hamarkadaren hasieran iraultza handia eragin zuen estatuko bluesaren ikuspegi geldi eta mimetikoan, eta egiazko erreferentzia dira orduz geroztik. Hirukote indartsu eta bizia, musikari zailduak eta bikain konbinatuak, sendotasunez eta segurtasun handiz interpretatzen dituzte Rover-en errepertorioa eta ongi aukeratutako bertsio aukera. Blues, rhythm and blues eta rock gitarra jotzaile ospetsua da Hendrik Rover eta bere estiloa zabaltzen joan da bere eraginak bezalaxe, folk, flatpicking, country eta Honky Tonk gehituta.

Sarrera 10 eurotan dago salgai, 7 eurotan Coliseoaren laguna txartelarekin.