“Maria Callas” eta “Bridget Jones” asteburuko zine karteldegian

Aurreko asteburutik Coliseoko karteldegian dagoen Jonathan Millet-en “La red fantasma” filmarekin batera, Pablo Larrainen “Maria Callas” eta Michael Morrisen “Bridget Jones. Loca por él” pelikulak eskainiko dituzte oraingoan Coliseon, umeentzako eta familian ikusteko aproposa den animaziozko “Los exploradores” Gonzalo Gutierrezen filmarekin batera. Asteburu honetatik aparte, “Maria Callas” hurrengo asteburuan ere proiektatzeko asmoa dute Coliseokoek.

Coliseoko aretoei dagokienez, “La red fantasma” 1 Aretoan joango da, “Maria Callas” 2 Aretoan eta, Antzokia zapatuan beste ekitaldi batekin okupatuta egongo denez, “Bridget Jones”-ek Antzokia 1 Aretoarekin tartekatuko du eta “Los exploradores”-ek ohiko Antzokia 2 Aretoarekin.