Menu errezak, osasuntsuak eta azkarrak egiten ikasteko tailerra antolatu du Udalak

Udalak 18 urtetik gorako herritarrentzat “Menu errazak” sukaldaritza tailerra antolatu du. Ikastaro honetan Kontent jatetxeko sukaldariek menu errezak, osasuntsuak eta azkarrak egiten irakatsiko diete parte-hartzaileei. Hamar orduko ikastaroa izango da eta klaseak azaroaren 14, 16, 21, 23 eta 28an (astearte eta ostegunak) izango dira, Portaleko 3. solairuan, 18:30etik 20:30era. Eibarren erroldatuta daudenentzat prezioa 25 eurokoa da (50 eurokoa Eibartik kanpo erroldatuta daudenentzat). Izen ematea datorren astelehenean, urriaren 23an hasi eta azaroaren 7an amaituko da eta https://formularioak.eibar.eus/eu/sukaldaritza2023-02 estekaren bitartez egin beharko da. Ikastaroa gazteleraz izango da.