Musika Bandak urteko lehen kontzertua eskainiko du domekan

Eibarko Musika Bandak domekan ekingo dio urte berriko egitarauari, Coliseo antzokian eskainiko duen kontzertuarekin. Andoni Vazquezek zuzentzen duen bandak bost pieza joko ditu: ‘La puerta grande’ (Elvira Checa), ‘Los burladores’ (Pablo Sorozabal), ‘Marcha Eslava’ (P. I. Tchaikovsky), ‘El honor de un caballero’ (M. A. Mas) eta ‘Los miserables’ (Michel Schönberg).

Saioa 12:30ean hasiko da eta sarrerak Kutxabank bitartez edo Coliseoko leihatilan eskuratu daitezke (barixakuan 17:30etik 19:30era edo saioa hasi aurretik).