Olentzero eta Mari Domingi kalejiran ibiliko dira Urki auzoan

Urkiko jai batzorde berriaren eskutik, aurten Olentzero eta Mari Domingiren bisita jasoko dute Urki auzoan, astelehenean (hilak 23). Urki Kurutzekuatik abiatuko dira, 18:00etan, eta auzoko kaleetan zehar kalejiran ibiliko dira biak. Ondoren, 18:30ean, txokolate-jana egingo da Cepa tabernaren parean, 16. zenbakiko garajeetako aterpean. Gainera musika eta photocalla antolatu dituzte eta, azken hau amaitzen denean, urdaiazpiko baten zozketa egingo dute (rifak euro bat balio du).