Superman eta Jurassic World asteburuko zine karteldegian

Uztailaren 12tik 14rako asteburuan Coliseok eskainiko duen zine karteldegian hiru pelikula izango dira bakarrik, hirurak ere berrian Coliseon. Bakoitza areto batean joango da, hiru egunetan toki berean: 1 Aretoan Oliver Ducray eta Wilfried Méanceren “Una cena... y lo que surja” eskainiko dute, 2 Aretoan James Gunn-en “Superman” joango da eta, azkenik, Antzokian “Jurassic World. El renacer” proiektatuko dute. Azken pelikula horren iraupena dela ete, zapatuko lehen bi saioak lehenago hasiko dira: lehenengoa ordu erdi aurreratuko dute, 16:30ean abiatzeko, eta bigarrena ordu laurden, 19:30ean hasteko. Bestelako ordutegiak betikoak izango dira, hau da, zapatuan 17:00etan, 19:45ean eta 22:30ean; domekan, 17:00etan eta 20:00etan; eta astelehenean, Ikuslearen Egunean, 19:30ean.