“Thelma&Louise” pelikulari buruzko bideo-forum saioa egingo da datorren barixakuan
Pagatxako emakumeen eskutik hilean behin izaten den jarduera 18:30ean hasiko da, Portalean, eta sarrera librea da.
2025/01/17
12:57
eta kitto!
Pagatxa Emakumeen Elkartearen eskutik, datorren astean itzuliko dira zine-forum feministaren saioak. Datorren barixakuan, urtarrilaren 24an izango da lehena, 18:30ean Portaleko areto nagusian, (ADI! Gaur banatuko den astekarian kaleratu dugun albistean EGUNA eta TOKIA txarto daude). Urteko lehen saiorako aukeratu duten filma Ridley Scott-ek zuzendutako Thelma&Louise da. Film honetako protagonista nagusiak, bestalde, Susan Sarandon eta Geena Davis dira. Pelikula ikusi eta gero, horri buruzko solasaldia egingo da, Yanire Sagredo dinamizatzaile berriak gidatuta. Sarrera doan da, joan nahi duen edozeinentzat.
