Toribio Etxebarria Sariak banatu dituzte

Eguazten arratsaldean banatu dituzte Toribio Etxebarria sariak, Coliseo antzokiak hartu duen ekitaldian. Urtero lez, epaimahaikoek aukeratutako finalisten artean irabazleak zeintzuk izan diren ekitaldian bertan eman dute ezagutzera: Enpresa Asmoak Saria Brain Cloud Computing garun-irudiak prozesatzeko zerbitzuetan aditua den enpresakoek jaso dute; Enpresa Asmoak atalean, Arlo Teknologiko Saria Arima (HDIV web segurtasunerako softwarea) saritu dute; Enpresa Berriak ataleko Saria DNA Data (gaixotasun genetikoen diagnostiko molekularrerako produktu eta zerbitzuak) jaso du; eta Nazioartekotza Babesa Saria-Enpresa Berria Saria Irisbond (ordenagailuen begirada bidezko kontrolerako sistema) enpresarentzat izan da. Horrekin batera, lehiaketatik kanpora, ekimen enpresarial eibartarrari aitorpena ABC (Arizaga, Bastarrica y Cia) konpresore-enpresari egin diote.