Umeentzako “SuperKlaus” pelikula euskeraz eskainiko dute Coliseon

Asteburu honetako lau pelikuletatik batek errepikatu egingo du eta beste hirurak berriak izango dira. Joan zen asteburutik Martin Cuervoren “¿Quién es quién?” dago karteldegian, eta Alexis Moranteren “¿Es el enemigo? La película de Gila”, J.C. Chandor-en “Kraven the Hunter” eta Andrea Sebastiáren “SuperKlaus” gehituko zaizkio bihartik astelehenera arteko zine programazioan. Umeentzako animaziozko filma, “SuperKlaus”, euskeraz eskainiko dute, azpititulurik gabe. Pelikula guztiak ordu eta erdi ingurukoak dira, kenduta bi ordutik gora irauten duen “Kraven the Hunter”.