Walter Tuzzeok emandako azken kontzertua gogoratuko dute ZaiZoi tabernan
Astelehenean eskainiko dute ikuskizuna The Vartools taldeko zenbait kidek
2024/12/27
09:11
eta kitto!
Euren taldekidea eta lagun handia izan den Walter Tuzzeo omenduko dute The Vartools taldeko zenbait kidek hilaren 30ean, 19:00etan, ZaiZoi tabernan. Iaz egun eta toki berean kontzertua eskaini zuten eta jatorri italiarreko soinu teknikari eta musikariaren azken kontzertua izan zen hura. Horregatik, azken saio hori gogoratzeko, bertara itzuliko dira berriz.
The Vartools taldeak lan berria osatuko duten abestiak kaleratu ditu azken hilabeteotan eta horietako batek Walter Tuzzeo omentzen du. Izan ere, demaseko itzala laga du herriko musikarien artean.
