Eskualdeko ekintzaileak elkartzeko `Debabarrena Ekinean´ topaketa egingo da maiatzaren 15ean Eibarren

Eibarren egingo den jardunaldi honen helburu nagusia Debabarreneko ekintzailetza-ekosistema indartzea da. Eibarko Udalaren eta Debegesaren lankidetzari esker, Gipuzkoako Foru Aldundiaren babesarekin antolatutako topaketa maiatzaren 15ean, ostirala, egingo da eta 12:00etatik 15:00etara iraungo du.

Ekitaldiak programa oparoa eskainiko du: * Aurkezpenak: eskualdeko ekintzailetza-estrategiaren azalpen instituzionala. * Pitching saioa: MAKE IN! programaren baitan, Neety, Soladit, Neexis, SAI–3D, MGZ eta Urdin proiektuek Debabarreneko ekintzailetzaren aniztasuna eta berrikuntza gaitasuna erakutsiko dute. * Eztabaida: mentoring prozesuen erronkei buruzko mahai-ingurua eta scouting saioak. * Hausnarketa: Debabarrena Ekinean ekimenaren irudia eta identitatea berritzeko prozesua.

Jardunaldia networking gune batekin eta luncharekin amaituko da, parte-hartzaileen arteko harremanak eta sinergiak sustatzeko. Horrela, Debabarrena Ekinean eskualdeko ekintzailetza bultzatzeko erreferentziazko topagune gisa sendotzen da, lankidetza eta aukera berriak bideratuz.

Informazio gehiago eta IZEN-EMATEA hemen