Eta zuk, zenbat dakizu eskualdeaz?
Aste honetan, Debabarreneko bitxikeriak ezagutuko ditugu Debabarrenean Zehar saioan. Gure herrietako historia, ondarea, tradizioak eta hain ezagunak ez diren datu harrigarriak izango ditugu hizpide, galdera-erantzunen bidez. Izan ere, egunero zeharkatzen ditugun kaleek, ezagutzen ditugun eraikinek eta inguruko txokoek uste baino istorio gehiago ezkutatzen dituzte.
Oraingoan, gainera, ikusleak izango dira protagonistak. Zazpi galdera prestatu ditugu, bakoitza hainbat erantzun aukerarekin, eta erronka argia da: ahalik eta erantzun zuzen gehien asmatzea. Batzuk errazak diruditen arren, beste batzuek buruari eragitea eskatuko dute, eta ziur batek baino gehiagok ezustekoren bat hartuko duela.
Jolasteko, ikasteko eta gure eskualdea beste ikuspegi batetik ezagutzeko aukera izango dugu aste honetako saioan. Prest al zaude zure ezagutzak proban jartzeko?
Eta zuk, zenbat dakizu benetan Debabarrenaz?
