Asteburu borobila Eibar Eskubaloiarentzat, lehen taldeek garaipen bana lortuta
Eibar Eskubaloiak asteburu emankorra izan du, lehen taldeek garaipen garrantzitsuak eskuratu baitituzte ligako jardunaldietan. Gizonezkoen taldeak Usurbil gainditu zuen etxetik kanpo (25-31), Lehen Mailako Liga Erregularreko C Multzoko bederatzigarren jardunaldian. Eibartarrek hasieratik kontrolatu zuten norgehiagoka, eta bi puntu eskuratu zituzten, sailkapeneko lehen postuari eusteko.
Emakumezkoen taldeak ere garaipena lortu zuen, Zilarrezko Ohorezko Mailako B Multzoko zazpigarren jardunaldian. Malkaitz Eskubaloia taldearen aurka jokatu zuten Burlatan, eta partida estu baten ondoren 21-22 irabazi zuten.
Harrobiko taldeen emaitza onak
Lehen taldeez gain, Eibar Eskubaloiaren beste talde batzuek ere emaitza aipagarriak lortu zituzten asteburuan. Gizonezkoen senior mailan, Eibar Eskubaloi C taldeak 36-29 irabazi zion Urola taldeari; emakumezkoen senior mailan, berriz, Eibar Eskubaloi B-k 22-22 berdindu zuen Urola Altube Berriren aurka.
Jubenil mailan, gizonezkoek 25-22 irabazi zioten Usurbili, eta emakumezkoek 23-18 hartu zuten mendean Aloña Mendi.
Kadete mailan ere garaipenak izan ziren: Euskal Ligako mutilek 46-38 irabazi zuten Usurbilen aurka. Lurralde mailako gizonezkoen taldeek, ordea, porrot bana jaso zuten, Eibar Eskubaloi B-k 23-38 galdu baitzuen Ereintzaren aurka, eta Eibar Eskubaloi C-k 34-37 Hernaniren aurka. Emakumezkoen taldeek ere ezin izan zuten garaipenik lortu: Eibar Eskubaloia A 24-26 Aloña Mendi eta Saieko 36-17 Eibar Eskubaloia B.
Infantil mailan, mutilen A taldeak asteburuko emaitzarik nabarmenetako bat lortu zuen, Usurbil 10-40 mendean hartuta. Mutilen B taldeak 23-24 galdu zuen Hernaniren aurka, eta C taldeak 20-20 berdindu zuen Pulporen aurka. Nesken A taldeak, bere aldetik, 22-12 irabazi zion Bonsay ZKE-ri eta Nesken B taldeak 19-11 Txingudiri.

