Bigarren eskuko bizikleta azoka ipiniko dute zapatu goizean Untzagan

Udalak, Ingurumen Sailaren bitartez, Mugikortasunaren Europako Astearekin bat egin du. “Mugikortasuna guztiontzat” da aurtengo lema eta, horren harira, bigarren eskuko bizikleten azoka egingo da bihar, 10:00etatik 14:00etara Untzagan. Gainera, Klub Deportiboak bizikletak konpontzeko tailerra ipiniko du, Untzagan bertan, konponketa txikiak dohainik egiteko. Arratsaldean, berriz, bide-heziketa zirkuitua eta ginkana egingo dira, haurrentzat. Bestetik, irailaren 22an, Autorik Gabeko Eguna ospatzeko, Udalbusa doakoa izango da.