Bihar hasiko dira Eibarko Antzerki Jardunaldiak,Toni Acosta eta Juan Carlos Rubioren solasaldiarekin

Bihar, otsailak 25, hasi eta apirilaren 11n amaituko dira 48. Eibarko Antzerki Jardunaldiak. Beti bezala, egitarau zabala antolatu du Eibarko Udalak. Bihar Coliseo antzokian egingo den inaugurazio-ekitaldian Toni Acostak eta Juan Carlos Rubiok izango dute Jardunaldiak zabaltzeko ardura. Ekitaldia 19:00etan izango da. Solasaldia Irene Hernando aktore eibartarrak aurkeztuko du, eta sarrera doan izango da. Antzerkiak egoera desberdinetara egokitzeko duen gaitasunari buruzkoa izango da solasaldia, eta "Harremanak" titulua izango du.