EIBAR BHIko ikasleek antzezpen bat aurkeztuko dute A25ean

Azaroaren 25ean, emakumeen aurkako indarkeriaren kontrako egunean, EIBAR BHIko ikasleek “performance” berezi bat antolatu dute Coliseoan, arratsaldeko 20:00etan. Ekintza hau Eibarko herritar guztientzat izango da, eta “isiltasunarekin jolastuz begirada altxatzea” du helburu.

Ikasleek nabarmendu dute ekintza honen bitartez, hitz gutxirekin baina mezu argia helarazi nahi dutela: “Itsu jarraitzea konplizitatea da, eta begirada bat ere ekintza bihur daiteke. Ez gara isilik geratuko. Ez gara konplize izango”.