Eibarko Musika Bandak kaleko kontzertuen denboraldia hasiko du igandean
Toribio Etxebarria kalean izango da ikuskizuna, baina euria eginez gero, udaletxeko arkupeetan
2026/05/14
11:09
Ekhi Belar Errasti
Coliseoa laga eta kalera irtengo da igandean Eibarko Musika Banda. Euririk egiten ez badu, Toribio Etxebarria kalean emango dute ikuskizuna, 12:30ean, baina euria eginez gero, udaletxeko arkupeetan arituko dira.
Andoni Vazquez zuzendariak esan digunez, “oso kontzertu atsegina eskaini nahi dugu, publiko mota ezberdinentzat gustokoa eta plan polita izateko”.
