Ikus-entzunezko Astea hasiko da bihar San Andres elizako klaustroan

Arrate Kultur Elkarteak ‘Ikus-entzunezko Astea’ egingo du bihar, etzi eta etzi damu San Andres elizako klaustroan. Bihar Bertha Gaztelumendiren ‘Ez, eskerrik asko. Gladys-en leihoa’ dokumentala egongo da ikusgai 22:30etik aurrera; etzi, ordu berean, Koldo Edorta Karranzaren ‘Kaleko antzerkia’ film laburra eta Fernando Retolazalaren ‘Trekking-a Nepalen. Annapurna santutegia’ diaporama emango dituzte; eta eguenean, 20:00etan, Kokein taldeak kontzertu akustikoa eskainiko du 20:00etan.

Eguaztenean, uztailaren 1ean, ‘Eguen Zuri 2020’ lehiaketaren sari-banaketa egingo eta erakusketa hasiko da Topalekuan.