Urbat Urkotronik klubak waterpolo talde guztien aurkezpena egin du
Eibarko Urbat Igeriketa Kirol Elkarteak kategoria guztietan dauzkan taldeak aurkeztu ditu gaur arratsaldean, klubaren babesle nagusia den Urkotronik enpresaren lokaletan.
2024/11/06
23:30
eta kitto!
2010. urteaz geroztik, kategoria ezberdinak sortzen joan dira waterpoloaren praktika sustatzen duen Urbat Igeriketa Kirol Elkartearen baitan, eta gaur egun kategoria guztietan aritu ahal izateko taldeak dauzkate: benjaminak/alebinak, infantilak, kadeteak, jubenilak, seniorrak (gizonezkoak eta emakumezkoak) eta masterrak. Aipatutako maila guzti horietako taldeak aurkeztu dituzte gaurko ekitaldian, eta bakoitzaren talde-argazkia egin eta gero, familia-argazkia egin dute jokalari guztiek eta talde teknikoa osatzen dutenek, denek batera.
