Voragine websailaren aurrerakina aurkeztu dute

Vicky Rojas eta Dalila Cabrera eibartarrek sortutako Voragine websailaren aurrerakina aurkeztu zuten atzo. Fikzio klasikoa eta zuzendariek gazteagoak zirenean ikus-entzunezko lanetan ikusi nahi zituzten elementuak batzen ditu websailak: zientzia-fikziozko lan batean emakume protagonistak , sexu-orientazio ezberdinak , eta genero identitate eta jatorri ezberdinetako protagonistak agertzea. Hainbat urtetako lanaren ondoren, eibartarren lanak laster ikusiko du argia.



Voragine errealitate paraleloko testuinguru batean pertsonen nortasuna eta portaera sozialak esploratzen dituen zientzia fikziozko websaila da. “Websailak zientzia-fikziozko testuingurua izan arren, gizakien inguruko hausnarketa egiten da bertan”, esan zigun Dalilak orain dela urtebete inguru egin genien elkarrizketan.

https://www.youtube.com/watch?v=hEHPmCqQE3c&feature=youtu.be